داتاك ملكك. مش بنبيعها، ومش بنشاركها، وتنزّلها أو تمسحها وقت ما تحب.
داتاك ملكك. مش بنبيعها، ومش بنشاركها، وتنزّلها أو تمسحها وقت ما تحب.
آخر تحديث: 20 أكتوبر 2026
HoosBee منصة لإدارة الشقق الفندقية في مصر: أبلكيشن للموبايل، ونسخة ويب للمكتب على app.hoosbee.com، والموقع ده. السياسة دي بتشرح البيانات اللي بنجمعها، وبنعمل بيها إيه، وحقوقك فيها، طبقاً لقانون حماية البيانات الشخصية المصري رقم 151 لسنة 2020.
علشان نشغّل الخدمة ليك: نعرض الكالندر، نبعت المهام للعمال، نحسب صافي كل شقة، ونبعت كود التأكيد على واتساب. وعلشان نكلمك عن حسابك واشتراكك، ونحمي الحساب من الدخول غير المصرح بيه، ونطوّر الخدمة.
مش بنستخدم بياناتك في إعلانات، ومش بنبيعها لأي حد.
بيانات الضيوف (الأسماء، الأرقام، وصور البطايق والباسبورات) إنت اللي بتضيفها وإنت المسؤول عنها، وإحنا بنخزنها بالنيابة عنك بس. صور البطايق بتتخزن متشفرة، ومحدش بيشوفها غير صاحب الحساب واللي هو مديله صلاحية، وتقدر تخليها تتمسح لوحدها بعد مدة.
إنت مسؤول إنك تبلّغ ضيوفك إنك بتسجل بياناتهم وتاخد موافقتهم لما القانون يطلب ده.
مش بنشارك بياناتك غير في الحالات دي:
الاتصال كله متشفر (HTTPS)، وكلمات السر والملفات الحساسة متخزنة متشفرة، وكل حساب معزول عن التاني على مستوى قاعدة البيانات. وبناخد نسخ احتياطية بانتظام. ولو حصل اختراق يأثر على بياناتك، هنبلغك ونبلغ الجهات المختصة في المواعيد اللي القانون بيحددها.
طول ما حسابك موجود. لو التجربة أو الاشتراك خلص، داتاك بتفضل محفوظة علشان ترجع تكمّل. لو طلبت مسح الحساب، بنمسحه خلال 30 يوم، وبتختفي من النسخ الاحتياطية خلال 90 يوم. فواتير الدفع بس بنحتفظ بيها المدة اللي قانون الضرايب بيطلبها.
من حقك تعرف البيانات اللي عندنا عنك، وتصححها، وتنزّلها كلها Excel، وتمسح حسابك في أي وقت من الإعدادات أو برسالة لينا. ومن حقك تعترض على أي استخدام لبياناتك، وتشتكي لمركز حماية البيانات الشخصية.
الموقع ونسخة الويب بيخزنوا في المتصفح اللي يلزم بس علشان يفضل دخولك شغال ويفتكر إعداداتك. مش بنستخدم كوكيز إعلانات أو تتبع من أطراف تانية.
HoosBee للي عندهم 18 سنة أو أكتر وبيديروا شقق. مش بنجمع بيانات أطفال عن قصد، غير بيانات الضيوف اللي صاحب الحساب بيسجلها.
لو غيرنا حاجة مهمة في السياسة دي، بنبلغك في الأبلكيشن أو على واتساب قبل ما التغيير يبدأ. وتاريخ آخر تحديث دايماً مكتوب فوق.
أي سؤال أو طلب عن بياناتك: ابعتلنا على hello@hoosbee.app أو كلّمنا على 01102036975. بنرد خلال يومين شغل.